FOOD & FUN
VOX Brasserie kynnir með stolti gestakokkinn Laetitia Bret, sem heiðrar okkur með nærveru sinni og hæfileikum yfir Food & Fun hátíðina, dagana 4. - 8. mars.
Laetitia Bret er fædd og uppalin í París, borg ástarinnar og hjarta franskrar matarmenningar.
Laetitia er sannkallaður parísarkokkur og hefur lifað og starfað í París alla sína ævi. Árið 2005 útskrifaðist hún úr hinum fræga og margrómaða veitingaskóla Ferrandi og hóf feril sinn sem í franskri matargerð á Michelin stöðum eins og Le Ritz og Le Carré des Feuillants.
Aðeins 29 ára gömul tók hún stöðu yfirmatreiðslumanns á frægum bistróstað París, Le Bistral. Þar myndaði hún sér nýja stefnu með áherslu á meiri nánd við gestina og meira frelsi í sköpun rétta og seðla.
Árið 2014 opnaði hún sinn fyrsta veitingastað, Esquisse, í Montmartre hverfi Parísar með manninum sínum, Thomas Meunier, sérfræðingi í náttúrulegum vínum.
Matarstíll hennar einkennist af klassískum og hefðbundnum bistró stíl en þó með nútímalegu ívafi þar sem matargestum er komið á óvart. Hún vinnur með ferskustu afurðir hverrar árstíðar, sækir hráefnin í nærsveitir og leggur áherslu á að matarsóun sé í lágmarki.
Hjónin opnuðu nýjan stað árið 2019, Sanguine, sem fylgir sömu straumum og þeirra fyrri staður.
Það er sannkallaður heiður að fá Laetitiu til okkar á Food & Fun og hlökkum við til að deila hæfileikum hennar og brögðum með gestum okkar.
Food & Fun verður haldin dagana 4. 8. mars og er þetta sautjánda árið í röð sem VOX tekur þátt í þessari frábæru hátíð.
Við ráðleggjum gestum okkar að bóka borð í tæka tíð í síma 444-5050 eða með því að smella hér fyrir neðan.
Allir þeir sem koma í Food & Fun seðil á VOX Brasserie fá gefins vikuaðgang í Hilton Reykjavík Spa í tilefni hátíðarinnar.
|
|
Þetta árið bjóðum við ekki hefðbundna vínpörun heldur fá gestir að smakka
og velja vín sem þeir kjósa að hafa með aðalrétti (wine flight)
Vínpakki er seldur sér: 8.900 kr.
Við ráðleggjum gestum okkar að bóka borð í tæka tíð
í síma 444-5050 eða með því að smella hér fyrir neðan.