Fara í efni

VOX Home

VOX Home á Hilton

VOX Home er nýtt og spennandi viðburðarrými á jarðhæð Hilton Reykjavík Nordica sem nýta má fyrir hvers kyns veislur, viðburði og fundi.
Svæðið samanstendur af þremur borðstofum sem henta vel fyrir einkasamkvæmi eða minni hópa auk þess sem hægt er að opna á milli og nýta allt rýmið fyrir viðburði sem telja allt að 300 gesti.  Hægt er að leigja stakar stofur eða allt VOX Home í heild sinni og um leið hægt að para mat og vín við tilefnið og skapa þannig einstaka upplifun fyrir veislugesti hvert sem tilefnið er.

Heimilislegt og glæsilegt

Hönnun VOX Home er einstaklega hlýleg og heimilisleg með ljósum viðarklæðningum, veggfóðri, áberandi ljósakrónum og fallegum skrautmunum sem grípa augað. Hluti af hönnuninni skilar sér svo í matreiðsluna sjálfa þar sem veitingar eru meðal annars bornar fram á glæsilegu mávastelli, postulíni sem á sér sannarlega langa sögu. Óhætt er að fullyrða að gestir upplifi skemmtilega en um leið heimilislega stemningu en umhverfið minnir eilítið á ríkmannlegar stofur fyrri tíma. Fundir verða afslappaðir í þessu fallega umhverfi og gestum líður eins og þeir séu staddir á vistlegu glæsisetri utan skarkala borgarinnar. 

Einstök upplifun
Á VOX Home er lögð áhersla á að skapa nýja upplifun í mat og drykk hvort sem tilefnið er hefðbundinn fundur eða hátíðarkvöldverður. Þannig mun veitingaframboð og þjónusta verða frábrugðin því sem nú þegar er boðið upp á innan veggja hótelsins. VOX Home er kjörinn vettvangur fyrir starfsmannahópa sem vilja gera sér glaðan dag, vinahópa og saumaklúbba enda má með sanni segja að hægt sé að bjóða upp á þéttskipaða dagsferð á Hilton með því að blanda saman fjölbreyttri og spennandi þjónustu sem í boði er innan veggja hótelsins.

 

Skemmtileg námskeið og karókí yfir kvöldmatnum

Gestum VOX Home mun standa til boða að velja sér bragðgóða afþreyingu af svokölluðum „Edutainment" seðli þar sem fagfólk Hilton hótelsins býður upp á skemmtileg námskeið sem flétta saman fróðleik, fyrsta flokks veitingar og skemmtun. Um áramótin verður byrjað að bjóða upp á konfektnámskeið og kokteilanámskeið þar sem gestir fá meðal annars að spreyta sig í að hræra og hrista kokteila bakvið barinn og búa til heimagert konfekt. Námskeiðum verður skipt út reglulega og alltaf eitthvað spennandi í boði eins og karókí. Já, karókí er aftur að verða heitasta heitt og fátt skemmtilegra og heimilislegra en að njóta skemmtilegrar kvöldstundar og syngja í karókí yfir kvöldmatnum.